PANGARAP NG ISANG DILAG..

isang mapait na nakaraan ang bumubuhos sa bawat luha

tuwing naalala ang isang dagok sa buhay na puno ng pagdurusa

wala man lang nagawa ang mistulang mayuming prinsesa

sapagkat tanging armas ay ang kanyang malinis na konsensiya

lingid pa rin sa kaalaman ng karamihan sa kanilang bayan

 anim na buwan na ang nakakalipas ng siya'y bumalik sa kanyang tahanan

isang krimen ang nangyari sa harap mismo ng kanyang mga mata

ang kanyang ama'y pinaslang ng mga taong walang awa

hustisiya ang laman ng kanyang mga panalangin

ngunit ang mismong hukom ay nakukuha sa mga bayarin

galit at paghihinagpis ang namuo sa kanyang mukha

dahil ang hustisiya na pangarap ay animo'y mawawala na

sa bawat araw na lumipas, di pa rin matahimik ang dalaga

lumabas siya sa katauhang tahimik at muli'y magpapakita na

naging matapang ang prinsesa at siya'y tumayo sa harapan nila

na wari'y ibabagsak ang mga taong kumitil sa kanyang ama

ang mayuming dilag kasama ang mga manunulat

ay nagsalita na para mga mata ng mga tao'y mamulat

sa mga pagdadamit ng kabaitan ng mga nakaupo

at sa wakas, sa araw na iyon mga pangarap na ri'y natamo

- sana'y mabuksan ang mga mata ng mga mamayan at mga taong may kapangyarihan, ako man ay walang maipagmamalaki, ngunit sa pamamagitan ng tulang ito, sana mga tao nama'y wag masilaw sa perang binibigay ng mga taong gusto lamang ay isang trono, wag maging pipi at bulag sa mga nakikita at naririnig, ngunit sana'y magsalita na, hindi para sa sarili ngunit para sa mga tataong mga mabibiktima pa ng mga taong makasarili at mapanlumo sa pera.

-michelle alcantara-